Siyosatdagi xonimlar go‘zalligi uchun qancha pul sarflaydi?
Bu borada Germaniya hukumatidagi ayollar yetakchilik qiladi.
Go‘zallik qurbonlik emas, balki yaxshigina mablag‘ ham talab etadi. Silliq teri, jilvakor sochlar, ulama kiprik, ajinlarsiz yuz — bular hali uzoq davom etishi tabiiy. Ammo betakror go‘zallikka yulduzlar bilan bir qatorda siyosatchi ayollar ham kattagina xarajat qiladi.
Bundestag prezidentining sochi va bo‘yanishi uchun g‘aznadan 13 ming yevro sarflandi
Bundestag prezidenti Berbel Basning sochi va bo‘yanishi uchun Germaniya davlat g‘aznasidan 2022 yil 13 ming yevrodan ortiq mablag‘ sarflangan.
Tegishli summa “Germaniya uchun alternativ” partiyasining so‘rovi tufayli oshkor qilindi. Jumladan, birgina 2022 yilda “vizajistlar, kosmetologlar va grimyorlar”ga 13 270 yevro — oyiga ming yevrodan ortiq sarflangan. Bundan tashqari, 2023 yilda ushbu xizmatlar uchun 11 970 yevro to‘langan.
Nemis siyosatchilari Bas lavozimga kelganidan keyingi dastlabki bir necha oy ichida (2021 yil oktyabr oyi oxirida) uning tashqi ko‘rinishi uchun g‘aznadan atigi 457 yevro sarflanganini aniqladi. U lavozimga kirishgunga qadar bu sohalardagi xarajatlar 2017-2020 yillarda 0 yevroni tashkil qilgan. Biroq prezidentning tashqi ko‘rinishi boshqa siyosatchilarni ham tashvishga solmoqda.
Isteʼfodagi sobiq kanslerning go‘zalligi uchun 55 ming yevro
Germaniya hukumati 2021 yilda lavozimidan ketganidan beri mamlakatning sobiq kansleri Angela Merkelning sochi va bo‘yanishiga deyarli 55 ming yevro ajratgan.
Germaniyaning yuqori lavozimidan deyarli ikki yil oldin ketganiga qaramay, federal hukumat Merkelning hali ham bir nechta xarajatlarini qoplamoqda.
Aytilishicha, federal hukumat Merkelning soch va bo‘yanishi uchun ham davlat, ham xususiy tadbirlar uchun to‘laydi. Merkel 2023 yilda 17 200 yevro (taxminan 221 million so‘m) va 2022 yilda 37 780 yevro (taxminan 485 million so‘m) olgan.
Bu Berlindagi sobiq hukumat rahbarining chiroyli ko‘rinishi uchun ular oyiga taxminan 3000 yevro to‘lashlarini anglatadi. Agar stilist Merkel bilan uchrashuvlarga hamroh bo‘lsa, bu uning sayohati va mehmonxonada yashashi uchun ketadigan xarajatlarni o‘z ichiga oladi.
Soliq to‘lovchilar assotsiatsiyasi prezidenti Rayner Golsnagelning so‘zlariga ko‘ra, amaldorlarning soch turmagi va bo‘yanish xizmatlari narxining oshishi o‘tmishda baʼzi tanqidlarga sabab bo‘lgan.
Germaniya TIV rahbari eng boy vazir
Germaniya Tashqi ishlar vaziri Annalena Berbok 2022 yilda stilist xizmatiga taxminan 136,5 ming yevro sarflagan. U stilistga kuniga 8925 yevro miqdorida pul to‘lagan.
2023 yilning birinchi yarmida sartaroshlar, vizajistlar, kosmetologlar va fotograflar xizmatlari uchun Germaniya kabinetining xarajatlari deyarli 500 ming yevroni tashkil qilgan.
Nashrning qayd etishicha, o‘tgan yili Berbok stilist xizmati uchun kuniga 8925 yevro (taxminan 117 million 210 ming so‘m) ishlatgan.
