Tailandda turistlar uchun yangi yig‘im: xorijlik sayyohlardan 13,5 dollar undirilishi mumkin
Yig‘imni undirishni 2027-yilning birinchi choragidan boshlash rejalashtirilmoqda.
Tailand hukumati mamlakatga kiradigan xori jliksayyohlar uchun 450 bat (qariyb 13,5 dollar) miqdorida yagona yig‘im joriy etish masalasini muhokama qilmoqda.
Dastlab samolyotda keladigan sayyohlardan 300 bat, quruqlik va dengiz orqali kiruvchilardan esa 150 bat undirish rejalashtirilgan edi. Endilikda kirish usulidan qat’i nazar, barcha sayohatchilar uchun yagona 450 batlik yig‘im belgilash taklif qilinmoqda.
Yig‘imni dastlab havo orqali keladigan sayyohlardan undirish, keyinchalik esa quruqlik va suv orqali chegarani kesib o‘tuvchilarga ham tatbiq etish rejalashtirilgan.
Tashabbus mualliflariga ko‘ra, faqat aviayo‘lovchilardan olinadigan yig‘im yiliga 12 mlrd batdan (qariyb 360 mln dollar) ortiq mablag‘ to‘plashi mumkin. Mexanizm to‘liq ishga tushirilgach, tushum 15 mlrd batga (450 mln dollar) yetishi kutilmoqda.
Tailand jamoatchilik bilan aloqalar departamenti yig‘ilgan mablag‘lar turizm infratuzilmasini modernizatsiya qilish va xavfsizlik standartlarini oshirishga yo‘naltirilishini bildirgan.
Yig‘imni undirishni 2027-yilning birinchi choragidan boshlash rejalashtirilmoqda. Hozir loyiha jamoatchilik muhokamasidan o‘tkazilmoqda va jarayon 28-sentabrda yakunlanadi. Shundan so‘ng hujjat Turizm siyosati bo‘yicha milliy qo‘mita va hukumat tomonidan ko‘rib chiqiladi.
