Joriy yilda pirotexnika vositalarini noqonuniy olib kirilishi bo'yicha 85 ta holat aniqlangan
Tegishli idoralar tomonidan bu bo'yicha tezkor tadbir uyushtirildi.
Toshkentda elektron tijorat platformalari orqali pirotexnika vositalari sotib kelingani aniqlandi
Ushbu ish bilan shug‘ullangan shaxsdan 350 mln so‘mlik 1490 dona pirotexnika vositasi ashyoviy dalil sifatida olib qo‘yilgan.
Bojxona qo‘mitasining Kontrabandaga qarshi kurashish boshqarmasi tomonidan DXX va Milliy gvardiya xodimlari bilan hamkorlikda tezkor tadbir o‘tkazilgan. Jarayonda avvaldan kuzatuvga olingan shaxs 108 dona salyutni qabul qilib, o‘zi boshqaruvidagi Spark mashinasiga yuklayotgan vaqtida to‘xtatib qolingan.
Tezkor tadbir poytaxtning Yunusobod tumanida davom ettirilgan: fuqaroning xonadoni ko‘zdan kechirilganida bu yerda ham 12 nomdagi 1382 dona salyut saqlanayotganligi aniqlangan. Surishtiruvlar davomida maʼlum bo‘lishicha, qonunbuzar shaxs pirotexnika vositalarini asosan elektron tijorat platformalari orqali mijozlarga pullab kelgan.
Mazkur holatda qiymati 350 mln so‘mlik jami 1490 dona pirotexnika vositalari ashyoviy dalil sifatida olib qo‘yilgan. Hozirda holat yuzasidan bojxona tekshiruvlari davom ettirilmoqda.
Maʼlumot uchun, joriy yilning o‘tgan davri mobaynida bojxona organlari tomonidan aniqlangan 85 ta holatda qiymati salkam 2,2 mlrd so‘mlik 1 mln 951 ming dona pirotexnika vositasining noqonuniy olib kirilishi va ichki hududdagi yashirin aylanmasiga chek qo‘yilgan.
