Endi sunʼiy intellekt mevalardagi kasallikni aniqlay oladi
Olimlar bu bo‘yicha maxsus tizim ishlab chiqdi.
Rossiyalik olimlar sabzavot va mevalardagi kasalliklarni aniqlay oladigan sunʼiy intellekt tizimini yaratdi.
Olimlar yangi tadqiqot ishini o‘zlari ishlab chiqqan neyrotarmoqlarni muhim va ayni paytda juda ko‘p mehnat talab qiladigan vazifa – yig‘im-terimdan keyin sabzavot va mevalarni saqlash vaqtida taʼsir etuvchi turli nuqson va kasalliklarni aniqlashga moslashtirishdi. Hozirda mazkur muammolarni hal etish uchun spektrning infraqizil qismida ishlaydigan multi va giperspektral kameralardan foydalanilmoqda.
Tadqiqotchilar bir xil muammoni anʼanaviy kameralar va ikkita turdagi neyrotarmoqlar to‘plami yordamida hal qilish mumkinligini aniqlashdi, Xususan, olimlar sunʼiy intellekt tizimini olma yuzasida ikki turdagi nuqsonlarni – chirish va mog‘orni aniqlash uchun moslashtira oldi.
Keyingi hisob-kitoblar shuni ko‘rsatdiki, olimlar tomonidan yaratilgan sunʼiy intellekt tizimi olmaning to‘rt xil navining fotosuratlarini tahlil qila oldi, mog‘or va chirigan mevalarni topdi va ularni 98 foizlik ehtimollik bilan buzilmagan mevalardan ajrata oldi. Bu hosilning holatini kuzatish va kasalliklar tarqalishi uchun o‘choq bo‘lib xizmat qiladigan kasal meva va sabzavotlarni o‘z vaqtida olib tashlash uchun ana shunday algoritmlardan foydalanish imkonini beradi.
