Andijonda Damas Zil bilan to‘qnashib ketdi
Holat kecha tunda yuz bergan.

Kecha, 30-dekabr kuni Andijon viloyatining Baliqchi tumanida ikkita avtomashina ishtirokida yo‘l-transport hodisasi sodir bo‘ldi. Bu haqda viloyat IIB YHXB maʼlumot berdi.
To‘qnashuv soat 22:00 larda Baliqchi tamani hududidan o‘tuvchi 4R-112 avtomobil yo‘lining 112-kilometrida yuz bergan. 1989 yilda tug‘ilgan A.A. o‘zining Damas rusumli transport vositasida bekatga to‘xtab, suv olish uchun savdo do‘koniga tushgan vaqtida ushbu transport vositasida yo‘lovchi sifatida kelayotgan O.A. avtomashinani boshqa tarafga olib qo‘ymoqchi bo‘lganda o‘z yo‘nalishida ketayotgan “M-130” Zil transport vositasining orqa qismiga borib urilgan.
Oqibatda haydovchi O.A. tan jarohati olib tuman shifoxonasiga murojaat qilgan. Hozirda holat yuzasidan dastlabki surishtiruv ishlari olib borilmoqda.







