Samarqand aeroporti top-5 talikka kirdi
Aeroportda bu yil 20 ta xalqaro yo‘nalishlarda parvozlar amalga oshirildi.
Oktyabr oyi yakunlari bilan Samarqand aeroporti mintaqaviy va kichik aeroportlar toifasida yiliga 100 mingdan 1 milliongacha yo‘lovchiga xizmat ko‘rsatish imkoniga ega bo‘lgan.
Aeroport yo‘lovchi tashish ko‘rsatkichi 2019 yil oktyabr oyiga nisbatan 139 foizini tashkil etgan va 4-o‘rinni egallagan. Shuningdek, aeroportning 2019 yilning xuddi shu davrigacha yo‘lovchi tashish ko‘rsatkichi 103,7 foizga o‘sib, 3-o‘ringa ko‘tarildi.
Aeroport orqali joriy yilning boshidan buyon Samarqanddan 7 ta ichki va 20 ta xalqaro yo‘nalishlarda parvozlar amalga oshirildi.
