Qashqadaryoda isteʼmolga yaroqsiz go‘sht aniqlandi
Hozirda holat yuzasidan jinoiy ish ochilgan.
Qashqadaryo viloyatida isteʼmolga yaroqsiz go‘sht to‘xtatib qolindi, deya xabar bermoqda Bosh prokuratura huzuridagi Iqtisodiy jinoyatlarga qarshi Departament xabar berdi.
Qayd etilishicha, “Umakay” YPX maskanida o‘tkazilgan tezkor tadbirda “Qarshi-Samarqand” yo‘nalishi bo‘yicha harakatlanayotgan “Cobalt” rusumli avtotransport vositasi to‘xtatilib ko‘zdan kechirilganda fuqaro S.Sh. xavfsizlik talablariga javob bermaydigan 225 kg isteʼmolga yaroqsiz qoramol go‘shtini o‘tkazish maqsadida olib ketayotganligi aniqlanib, ashyoviy dalillar bilan ushlangan.
Mazkur holat yuzasidan Jinoyat kodeksining 186-moddasi (xavfsizlik talablariga javob bermaydigan tovarlarni o‘tkazish maqsadini ko‘zlab ishlab chiqarish, saqlash, tashish yoxud o‘tkazish, ishlar bajarish yoki xizmatlar ko‘rsatish) bilan jinoyat ishi qo‘zg‘atilib, tergov harakatlari o‘tkazilmoqda.
