Yevropa Kengashi rahbari Yevroparlament saylovlarida ishtirok etish uchun o‘z nomzodini qo‘ydi

 

Shu dam olish kunlari Yevropa Kengashi rahbari Sharl Mishel 2024 yil iyun oyida bo‘lib o‘tadigan Yevroparlamentga navbatdagi saylovlarda o‘z nomzodini ko‘rsatishga qaror qilganini maʼlum qildi.

 

Yevroparlamentga saylovlar 6-9 iyun kunlari Yevropa Ittifoqining barcha — 27 davlatida bo‘lib o‘tadi. Shu bilan birga, Sharl Mishel Belgiyaning o‘ng markazchi partiyasi — “Islohotlar harakati”dan yetakchi nomzod sifatida qatnashishini maʼlum qildi.

 

"Menimcha, masʼuliyatli bo‘lish va Yevropa Ittifoqining "demokratik qarashlarini" qo‘llab-quvvatlash juda muhim", — dedi u jurnalistlarga.

 

Shu bilan birga, Yevropa matbuotining qayd etishicha, agar Sharl Mishel Yevroparlamentga saylansa, ehtimol Yevropa Kengashi rahbari lavozimidan muddatidan oldin isteʼfoga chiqishi kerak bo‘ladi.

 

Yevropa Kengashi rahbarining vakolatlari 2024 yil noyabr oyi oxirida tugaydi.

 

Agar Sharl Mishel Yevroparlamentga saylansa, u 16 iyul kuni qasamyod qiladi va shu tariqa avvalgi vakolatlaridan voz kechishi kerak bo‘ladi.

 

Shu munosabat bilan YEIga aʼzo 27 davlatning davlat rahbarlari Sharl Mishelning vorisi masalasini Yevropa Ittifoqining iyun oyidagi saylovlardan so‘ng ikki sammiti rejalashtirilgan – 17 va 27-28 iyun kunlari darhol hal qilishga harakat qiladi.

 

Aynan mana shu uchrashuvlarda Yevropa Ittifoqi yetakchilari katta ehtimol bilan Sharl Mishelni almashtirish bo‘yicha kelishuvga erishishga harakat qilishadi. Siyosiy yechim bo‘lmasa, Yevropa Kengashiga o‘sha paytda Yevropa Ittifoqiga raislik qiladigan mamlakat prezidenti raislik qiladi. 2024 yilning ikkinchi yarmida Yevropa Kengashiga raislik Vengriyaga o‘tadi.