Toshkentdan Istanbulga uchgan samolyotda fuqaro vafot etdi
U davolanish uchun Turkiyaga ketayotgan bo‘lgan.
Avvalroq "Toshkent — Istanbul" reysidagi samolyot favqulodda Anqaraga qo‘ngani xabar qilingandi.
Maʼlumotlarga ko‘ra, 1946 yilda tavallud topgan O‘zbekiston fuqarosi X.T. davom etib kelayotgan surunkali kasallikka shifo topish ilinjida Turkiyaning Istanbul shahriga kelayotganda sog‘lig‘i yomonlashib, yurak xurujini boshdan kechirgan.
Ekipaj hamda yo‘lovchilar hamrohligida birinchi tez tibbiy yordam ko‘rsatilgan hamda yurak pulsining to‘xtashi kuzatilgach, tibbiy ko‘nikmaga ega bo‘lgan kishilar tomonidan yurak massaji qilingan. Biroq muolaja saʼy-harakatlarga qaramasdan fuqaroning hayotini saqlab qolisholmagan.
