Toshkentda “Men g‘olib” yugurish musobaqasi o‘tkazildi
Unda 1000 nafardan ortiq yuguruvchilar ishtirok etdi.
14-yanvar – Vatan himoyachilari kuni va O‘zbekiston Respublikasi Qurolli Kuchlari tashkil etilganining 32 yilligi munosabati bilan «Men G‘olib» harbiy-vatanparvarlik ommaviy yugurish musobaqasi bo‘lib o‘tdi.
“Humo Arena” sport majmuasining maydonchasidan 3 km va 10 km masofaga 1000 nafardan ortiq yuguruvchilar start oldi. Unda O‘zbekiston qurolli kuchlari vakillari, kuch ishlatish tuzilmalarining xodimlari, harbiy o‘quv muassasalarining kursantlari, professional sportchilar va havaskor yuguruvchilar ishtirok etdi.
Musobaqalar yakka tartibda va jamoaviy birinchiliklarda tashkil etildi.
Jamoaviy birinchilikda kuch ishlatish tuzilmalar idoralarining 7 ta jamoasi va o‘quv taʼlim muassasalarining 6 ta jamoasi «Men G‘olib» kubogi uchun kurashishdi. Ular orasida Mudofaa vazirligi, O‘zbekiston Respublikasi Prezidenti Davlat xavfsizlik xizmati, Davlat xavfsizlik xizmati, Milliy gvardiya, Ichki ishlar vazirligi, Favqulodda vaziyatlar vazirligi, Davlat bojxona qo‘mitasi vakillari ham bor edi. O‘quv taʼlim muassasalarining jamoalari Qurolli kuchlar akademiyasi, Umumiy xavfsizlik universiteti, Ichki ishlar akademiyasi, FVV akademiyasi, Davlat xavfsizligi xizmati akademiyasi, Davlat Bojxona qo‘mitasi institutining kursantlari orasidan shakllantirildi.
«Men G‘olib» jamoaviy musobaqalarida to‘rtinchi marotaba O‘zbekiston Respublikasi Mudofaa vazirligi jamoasi g‘oliblikni qo‘lga kiritdi.
