Chiroqchi tuman hokimi fuqaroga tarsaki tushirdi
Holat yuzasidan rasmiy munosabat bildirildi.
Qashqadaryo viloyatining Chiroqchi tumani hokimi Fayzulla Yusupov fuqaroga qo‘l ko‘tardi.
Videoga izoh beruvchiga ko‘ra, tuman hokimi avvaliga tandirni tepgan va so‘ngra IIB xodimlari yonida turgan fuqaroga tarsaki tushirgan.
Tuman hokimligi matbuot xizmati holat haqida o‘zlarida ham aniq maʼlumot yo‘qligini bildirib, ayni paytda yig‘ilish o‘tkazilayotganini maʼlum qilgan.
Eslatib o‘tamiz, avvalroq Fayzulla Yusupov viloyat Moliya bosh boshqarmasi boshlig‘i lavozimini bajarayotgan paytda xodimini “mol”, “eshak” deya haqoratlab, jamoatchilik eʼtiboriga tushgandi.
