Havodan benzin olish qurilmasi ishlab chiqildi
Qurilmani uy hovlisi yoki garajda bemalol saqlash mumkin.
Amerikalik Aircela startapi havodagi karbonat angidrid (CO₂) gazidan suyuq yoqilg‘i — benzinga o‘xshash mahsulot olishga mo‘ljallangan yangi qurilmani namoyish qildi. Kompaniya vakillarining ta’kidlashicha, ushbu yoqilg‘i hozirgi benzinli avtomobillar uchun to‘liq mos keladi va hech qanday texnik o‘zgarish talab etmaydi.
Qurilmaning hajmi kichik bo‘lib, uni uy hovlisi yoki garajda bemalol saqlash mumkin. Qurilmaning bir litr yoqilg‘ini qanchalik tez ishlab chiqarishi hozircha ma’lum emas. Startap mahsulotni ommaviy ishlab chiqarishni shu yilning kuzida boshlashni rejalashtirmoqda.
Mutaxassislar bu yangilikni avtomobil sanoati va ekologik barqarorlik yo‘lida katta qadam sifatida baholamoqda. Agar loyiha muvaffaqiyatli bo‘lsa, yoqilg‘i ishlab chiqarish sohasida inqilob yuz berishi mumkin.
