Pekinda odamsimon robotlar do‘koni ochiladi
Robotlar real sharoitlarda sinovdan o‘tkaziladi.
2025-yil avgust oyida Pekin shahrida ilk odamsimon robotlar do‘koni ochilishi rejalashtirilmoqda. China Daily xabariga ko‘ra, bu loyiha Butunjahon robotlar konferensiyasi doirasida taqdim etiladi va noyabr oyidan boshlab to‘liq faoliyat yuritadi.
Do‘kon 4S tizimiga asoslanadi — ya’ni savdo, xizmat ko‘rsatish, ehtiyot qismlar ta’minoti va texnik ko‘rikni o‘z ichiga oladi. Robotlar real sharoitlarda sinovdan o‘tkaziladi, va ular uchun maxsus namoyish zonalari yaratiladi.
UBTech, AgiBot, Galaxea kabi o‘nta kompaniya loyihada ishtirok etish bo‘yicha shartnoma imzolagan. Do‘konda robotlarni yig‘ish, ta’mirlash va butlovchi qismlarni yetkazish tizimi yo‘lga qo‘yiladi.
Sun’iy intellekt va harakat boshqaruvi texnologiyalari tufayli, odamga o‘xshash robotlar bozori yaqin uch yil ichida 1 trillion yuandan oshishi kutilmoqda. Xaridorlar robotlarni kreditga olish imkoniyatiga ham ega bo‘ladilar.
