4 кундан сўнг ўқув муассасалари анъанавий таълимга қайтади
Нима учун онлайн ўқиш даври қисқаргани юзасидан ССВ маълумот берди.
Республика махсус комиссияси қарорига мувофиқ, 7 февралдан бошлаб умумтаълим мактаблари, профессионал, касб-ҳунар таълим ва олий таълим муассасалари, академик лицейлар ҳамда нодавлат таълим ташкилотларида ўқув жараёни анъанавий шаклга ўтказилади.
Шунингдек, халқаро тажрибадан келиб чиқиб, коронавирус инфекциясининг “Omicron” штаммининг яширин даври қисқалигини инобатга олиб, коронавирус инфекцияси тасдиқланган бемор билан мулоқотда бўлган шахсларнинг карантин муддати 14 кундан 7 кунгача қисқартирилади.
Соғликни сақлаш вазирлиги маълумотига кўра, мамлакатда коронавируснинг тарқалганлик даражаси 0,8 ни ташкил этмоқда. ЖССТ экспертлари бу кўрсаткич 1,0 гача бўлса, вазият барқарорлигини англатиши ҳақида маълум қилишганди.
