Moskvadagi “Pioner” deb nomlanuvchi qidiruv guruhi o‘zining Instagram tarmog‘idagi akkauntida ushbu noyob topilma haqidagi axborotni joylagan.
Bir necha kun avval Rjev chekkasida izlovchilar guruhi 1942 yildan beri bedarak yo‘qolgan deb hisoblanib yurgan o‘zbekistonlik jangchining jasadini topib olgan. Jangchining qo‘lida yozuv bitilgan medalyon saqlanib qolgan. U yer tagida salkam 80 yil yotgan.
Shuning uchun undagi yozuvni o‘qish oson bo‘lmagan. Lekin qidiruvchilar kompyuter yordamida aql bovar qilmaydigan ishni bajargan: ular bedarak yo‘qolgan qahramonning ismi-sharifini tiklashga muvaffaq bo‘lgan. Yozuvda, shuningdek, jangchi rafiqasining familiyasi (Tadjiyeva) ham bor.
Hozir “Pioner” nomli qidiruv guruhi jangchining O‘zbekistondagi yaqinlarini topish bo‘yicha ishlarni boshlab yuborgan. Ular o‘zbekistonliklardan vafot etgan qahramon haqida maʼlumotlarni tarqatishda yordam so‘raydi.