Termiz shahri “Mehrobod” mahallasida yashovchi M.Chori shahar IIBga tanishi F. Vohid 2019-yil may oyida qurilish mahsuloti yetkazib berish uchun 800 million so‘m olib, qaytarib bermaganini bildirgan. Bu haqda Surxondaryo viloyati IIB axborot xizmati maʼlum qildi.
Tergov jarayonida F.Vohid ushbu pullarning hammasini o‘z ehtiyojlariga sarflab yuborganini aytgan.
Mazkur holat yuzasidan F.Vohidga nisbatan Jinoyat kodeksining 168-moddasi 4-qismi bilan jinoyat ishi qo‘zg‘atilgan.
Bundan avval Surxondaryoda 19 yilga qamalgan mahbusni 70 ming dollar evaziga qamoqdan chiqarib bermoqchi bo‘lgan shaxs ushlangani hamda Quvasoyda chet davlatga ishga yuborishni vaʼda qilib, aldagan shaxsga jinoyat ishi qo‘zg‘atilgani haqida xabar berilgandi.
Munojat Valiyeva