Afg‘onistonning Kobul shahrida Tolibon harakati tomonidan ayollar go‘zallik salonlarini yopish bo‘yicha keng ko‘lamli chora-tadbirlar amalga oshirilmoqda.
Tolo News axborotiga ko‘ra, taqiq doirasida yuzlab salonlar faoliyati to‘xtatilgan. Guvohlarning ma’lum qilishicha, harakat vakillari bino va inshootlarni tekshiruvdan o‘tkazib, aniqlangan salonlarning jihozlarini musodara qilmoqda yoki ularni butunlay yo‘q qilmoqda.
Mazkur choralar natijasida go‘zallik sohasida faoliyat yuritgan minglab ayollarning daromad manbalari yo‘qoldi. Rasmiy ma’lumotlarga ko‘ra, taqiq joriy etilishidan avval bu sohada qariyb 60 ming ayol ishlagan bo‘lib, ularning aksariyati oilalarining yagona boquvchisi bo'lishgan.