"Бавария" ва "Манчестер Юнайтед" мураббий алмашиши мумкин
Улар ўртасида музокаралар бошланиш арафасида.
Жорий мавсумни кўнгилдагидек ўтказа олмаган икки клуб – "Бавария" ва “Манчестер Юнайтед” бош мураббийларни алмаштириш мумкин.
Мюнхен клубини бошқараётган Томас Тухел чемпионлик унвонини сақлаб қола олмади. "Байер" мюнхенликларнинг ўн йил давом этган чемпионлик церийасига барҳам берди. Эрик тен Хаг эса, чемпионлик учун курашиши кутилган “Манчестер Юнайтед”ни кучли тўртликка ҳам олиб киролмади.
Таниқли журналист Кристиан Фалкнинг ёзишича, "Бавария" раҳбарияти ёзда Эрик тен Хагни ишга таклиф қилишни режалаштирмоқда. Манчестерликлар ҳам нидерландиялик мутахассис ўрнига бошқа мураббий қидиряпти. "Юнайтед" мутасаддилари рўйхатида Томас Тухел ҳам асосий номзодлардан бири сифатида қайд этилган.
