Bishkek shahrida Shu shoh ko‘chasi va Suyinbayev ko‘chasi kesishmasida joylashgan “Besh lavash” va “Midos” ovqatlanish shoxobchalarida shaurma bilan zaharlanish holati qayd etildi.
Qirg‘iziston Respublikasi Sog‘liqni saqlash vazirligi matbuot xizmati xabariga ko‘ra, ommaviy zaharlanish oqibatida 21 kishi jabrlangan. Respublika yuqumli kasalliklar klinik shifoxonasiga 15 kishi yotqizildi. Ularning 2 nafari bolalardir. Qolgan 6 nafari ambulator davolanmoqda.
“Tekshiruv davomida sanitar-mikrobiologik tadqiqotlar uchun tayyor shaurma namunalari, ingrediyentlar va surtmalar olindi”, — deyiladi xabarda.
Aniqlangan qoidabuzarlik uchun mazkur oshxona jarimaga tortildi va qoidabuzarlik bartaraf etilgunga qadar yopildi.