Бу учлик футболчи жамоа учун ўйнай олишмайди – Жейми Каррагер
“Ливерпул”нинг собиқ ҳимоячиси Жейми Каррагернинг фикрича, “ПСЖ” Чемпионлар лигасида ғалаба қозона олмайди.
“Мен айни дамда “Манчестер Сити”, “Ливерпул”, “Челси” ҳамда “Бавария” клубларининг имкониятларини Чемпионлар лигасида юқори баҳолаяпман. “ПСЖ”да учта йўловчи бор. Булар Месси, Мбаппе, Неймар. Менимча уларда Чемпионлар лигасида ғалаба қозониш имконияти йўқ. Бу учлик футболчи жамоа учун ўйнай олишмайди. Футболда жамоавийлик муҳим. Битта ёки иккита ўйинчига қараб тактика тузиш даври ортда қолган”.
Эслатиб ўтамиз, кеча парижликлар Чемпионлар лигасининг 5-турида “Манчестер Сити”га 1:2 ҳисобида имкониятни бой берди.
Аввалроқ “ПСЖ” Мессининг маоши ҳақидаги миш-мишларни рад этгани ва “Реал Мадрид” 1 январгача Мбаппени қўлга киритмоқчилиги ҳақида хабар берилганди.
Жамшидбек Амиров
