Бугун барча ходимлар ишдан 1 соат эрта кетишлари мумкин
Қурбон ҳайитининг биринчи куни расмий дам олиш куни ҳисобланади.
Ўзбекистон Республикаси Меҳнат кодексининг 187-моддасига кўра, байрам кунлари арафасида кундалик иш (смена) давомийлиги барча ходимлар учун камида 1 соатга қисқартирилади.
Эртага, 6 июнь — жума куни, Қурбон ҳайитининг биринчи куни бўлиб, у расмий дам олиш куни ҳисобланади. Бугун эса Арофа куни.
Демак, бугун ишга чиққан барча ходимлар ишни 1 соат олдин тугатиш ҳуқуқига эга.
Байрам олдидан иш давомийлигини қисқартириш имкони бўлмаган узлуксиз ишлаб турадиган ташкилотларда ва айрим турдаги ишларда ортиқча ишланган вақт компенсация қилинади — яъни ходимга қўшимча дам олиш вақти берилади ёки у рози бўлса, ортиқча иш учун белгиланган тартибда ҳақ тўланади.
Дам олиш кунлари қуйидагича:
6 июнь (жума) — Қурбон ҳайити, барча учун дам олиш куни;
7 июнь (шанба) — 5 кунлик иш ҳафтаси учун одатий, 6 кунликлар учун қўшимча дам олиш куни;
8 июнь (якшанба) — барча учун одатий дам олиш куни;
9 июнь (душанба) — барча учун иш куни ҳисобланади.
