Shandun provinsiyasida arxeologlar Buyuk Xitoy devorining eng qadimiy qismini topdilar. Topilma devorning avval taxmin qilinganidan 300 yil oldin, G‘arbiy Chjou sulolasi davrida (miloddan avvalgi 1046-771 yillar) boshlanganini ko‘rsatmoqda.
Shandun viloyati Madaniy yodgorliklar va arxeologiya instituti tomonidan 2024 yilda Guangli qishlog‘ining shimolida olib borilgan qazish ishlari Buyuk Qi devorining ilk to‘liq o‘rganilgan qismi bo‘ldi. Tadqiqotchilarga ko‘ra, devor dastlab Urushayotgan davlatlar davrida (miloddan avvalgi 475-221 yillar) bosqinlardan himoya qilish uchun qurilgan bo‘lib, u 600 kilometrdan ortiq masofaga cho‘zilgan.
Bundan tashqari, arxeologlar Buyuk Qi devoridan 1,5 kilometr shimolda joylashgan Pingyin qadimiy manzilgohini ham topdilar. Tarixiy manbalarda Pingyin Qi davlatining muhim tayanchi sifatida qayd etilgan bo‘lib, shahar transport yo‘llari va chegara xavfsizligini taʼminlashda asosiy rol o‘ynagan.