Tojikiston bilan chegaradagi to‘qnashuvlarda Qirg‘iziston tomondan halok bo‘lganlar soni oshdi. Bu haqda “Sputnik” nashri yozmoqda.
Qayd etilishicha, chegara hududlarda jami 37 nafar qirg‘izistonlik halok bo‘lgan va 129 kishi yaralangan.
Hozirgi vaqtgacha 136 770 nafar fuqaro evakuatsiya qilingan. Botken viloyatidagi elchixonaning jabrlanganlarga yordam ko‘rsatish uchun ochilgan maxsus hisob raqamiga 36 million so‘m yig‘ilgan.
Qirg‘iziston Respublikasi Milliy xavfsizlik davlat qo‘mitasi chegaradagi vaziyat bo‘yicha ma’lumot berib, tunda otishma sodir bo‘lmaganini xabar qildi.