O‘zbekistonda 2023 yil 1 yanvardan I va II guruh nogironligi bo‘lgan shaxslarga pensiya tayinlangandan keyin kamida 1 yil ish stajiga (1994-2022 yillar davomida) ega bo‘lgan pensiya oluvchilarning ish staji va ish haqi hisobga olinadi.
Shuningdek, kelgusida har 2 yilda nogironlik pensiya miqdorlari qayta hisoblanadi.
Ushbu Qonun qabul qilinishi natijasida 2023 yilda 75 ming nafar I va II guruh nogironlik pensiyasi oluvchi fuqarolarning pensiya miqdorlari qayta hisob-kitob qilinadi va o‘rtacha 304 ming so‘mga pensiya miqdorlari oshadi.