Тошкентдан Дохага тўғридан-тўғри рейслар йўлга қўйилди
Мунтазам йўловчи қатновлари ҳафтада бир марта амалга оширилади.
Тошкентдан Дохага тўғридан-тўғри рейслар йўлга қўйилди, дея хабар берди Uzbekistan airports.
"Centrum Air" Тошкент ва Доха шаҳарларини 21 август куни тўғридан-тўғри рейслар билан боғлади.
“Тошкент — Доха йўналиши бўйича мунтазам йўловчи қатновлари ҳафтада бир марта Airbus A320 самолётларида амалга оширилиши режалаштирилган”, дейилади хабарда.
Centrum Air — штаб-квартираси Тошкентда жойлашган, 2023 йил январь ойида йўловчи рейсларини амалга оширишга рухсат олган Ўзбекистон лоукостер авиакомпаниясидир. Бугунги кунга қадар авиаташувчи паркида учта Airbus A320 ва битта Boeing-747 самолёти мавжуд.
