Ijtimoiy tarmoqda Farg‘ona viloyatining Uchko‘prik tumanida avtoturargohda janjal yuz bergani aks etgan video tarqalgandi. Holat yuzasidan viloyat IIB rasmiy munosabat bildirdi.
Qayd etilishicha, joriy yil 1-oktyabr kuni Uchko‘prik tumanidagi avtoshohbekatda 2000 yilda tug‘ilgan fuqaro I.I. tanishi 1998 yilda tug‘ilgan S.Q. bilan oralarida oldindan mavjud bo‘lgan nizo yuzasidan gaplashib olish uchun tanishi bilan birga kelib, sovuq qurol yordamida S.Q.ga tan jarohati yetkazishgan.
Janjalga S.Q.ning tanishi B.M. aralashib, o‘zining Equinox avtomashinasida M.A.ni bosib ketgan. Oqibatda S.Q. va M.A.lar shifoxonaga yotqizilgan.
Mazkur holat yuzasidan Jinoyat kodeksining tegishli moddasi bilan jinoyat ishi qo‘zg‘atilgan. Voqeaga aloqador shaxslarni ushlash chorasi ko‘rilgan.