Ижтимоий тармоқда Фарғона вилоятининг Учкўприк туманида автотураргоҳда жанжал юз бергани акс этган видео тарқалганди. Ҳолат юзасидан вилоят ИИБ расмий муносабат билдирди.
Қайд этилишича, жорий йил 1 октябрь куни Учкўприк туманидаги автошоҳбекатда 2000 йилда туғилган фуқаро И.И. таниши 1998 йилда туғилган C.Қ. билан ораларида олдиндан мавжуд бўлган низо юзасидан гаплашиб олиш учун таниши билан бирга келиб, совуқ қурол ёрдамида С.Қ.гa тан жароҳати етказишган.
Жанжалга С.Қ.нинг таниши Б.M. аралашиб, ўзининг Equinox автомашинасида M.A.ни босиб кетган. Оқибатда С.Қ. ва M.A.лар шифохонага ётқизилган.
Мазкур ҳолат юзасидан Жиноят кодексининг тегишли моддаси билан жиноят иши қўзғатилган. Воқеага алоқадор шахсларни ушлаш чораси кўрилган.