Bollivud filmlariga maxsus qo’shiqlar ijro etgan mashhur hind xonandasi Lata Mangishkar 92 yoshida vafot etdi. U kinolarda ko’rinish bermagan bo’lsa-da, kadr ortida samarali ijod qilgan.
Lata Mangeshkar 1929-yil 28-sentabrda Hindistonning Indour shahrida tug’ilgan. U 9 yoshidan katta sahnalarda xonanda sifatida tanilgan.
1941 yil Lahor shahrida o’tkazilgan “Art Pictures” kinostudiyasi tanlovida g’olib chiqadi va kinofilmlar uchun qo’shiqlar ijro eta boshlaydi. O’z faoliyati davomida 1000 ga yaqin filmlar uchun soundtracklar kuylagan. “Tojmahal”, “Gang daryosi oqqan mamlakatda”, “Janob 420”, “Sangam” va “Mening ismim masxaraboz” shular jumlasidan.
Qo’shiqchi dunyo bo’ylab ijodiy safarlarda bo’lgan. Xususan, 1968-yil O’zbekistonga ham tashrif buyurgan.