ЖССТ коронавирусга қарши қўллаш учун Ҳиндистон вакцинасини тасдиқлади
CovavaxTM деб номланган вакцина, асосан, кам даромадли мамлакатларга юборилади.
Жаҳон соғлиқни сақлаш ташкилоти Американинг Novavax компанияси лицензияси асосида Ҳиндистонда ишлаб чиқарилган CovavaxTM деб номланган COVID-19 вакцинасидан фавқулодда фойдаланишга рухсат берди, деб хабар бермоқда Associated Press.
Препаратнинг афзалликларидан бири уни оддий шароитда сақлаш мумкинлигидадир. Тўлиқ эмлаш босқичини якунлаш учун вакцинанинг икки дозаси олиш керак.
Препарат янги "Omicron" штаммига қарши курашда қанчалик ёрдам бериши мумкинлиги ҳозирча сўроқ остида.
Вакцина кам даромадли мамлакатларда, жумладан, ЖССТнинг COVAX дастури орқали эмлаш даражасини оширишга ёрдам бериши кутилмоқда.
CovavaxTM ЖССТ томонидан тасдиқланган тўққизинчи COVID-19 ваксинаси ҳисобланади.
Аввалроқ Ҳиндистонда сохта вакцина билан эмлаган шифокорлар қўлга олингани хабар қилинганди. Шунингдек, ЖССТ томонидан COVID-19 пандемияси 2022 йил сўнггига қадар чўзилиши ҳақида маълум қилинган.
Насиба Тўхтаева
