Ilon Mask o‘tgan yili Qrim qirg‘oqlari yaqinida Ukraina dengiz dronlarining Rossiya flotiga hujum qilishiga yo‘l qo‘ymaslik uchun yashirincha Starlink sunʼiy yo‘ldosh tizimi aloqalarini uzib qo‘ygan
СNN nashrning yozishicha, portlovchi moddalarga ega Ukrainaning dengiz dronlari Rossiya flotiga yaqinlashganida birdaniga sunʼiy yo‘ldosh bilan aloqa yo‘qolib qolgan va dronlar zararsiz tarzda qirg‘oqqa chiqqan.
Xabarda qayd etilishicha, Maskning bunday qarorga kelishiga Kiyev tomonidan Qrimga hujum qilinsa, Rossiya bunga javoban Ukrainaga yadroviy qurol bilan zarba berishi mumkinligidan qo‘rqishi sabab bo‘lgan. Biroq keyinchalik Ukraina raqamli rivojlanish vazirligi rahbari Mixail Fedorov tadbirkorni aloqani tiklashga ko‘ndirgan.