Indoneziya hukumati ishga qabul qilishda yoshga oid cheklovlarni rasman taqiqladi. Yangi qonun fuqarolarni teng huquqli mehnatga jalb etish va yoshga asoslangan kamsitishlarning oldini olishga qaratilgan.
Endilikda ish beruvchilarga bo‘sh ish o‘rinlari uchun "ma'lum yosh oralig‘i"ni belgilash man etiladi. Ushbu qoidaga amal qilmagan kompaniyalarga jarima qo‘llaniladi.
Avval Indoneziyada ko‘plab ish beruvchilar 45 yoshdan katta yoki hali "optimal yosh"ga yetmagan nomzodlarni ishga qabul qilmas edi. Yangi yondashuv aholining iqtisodiy faolligini oshirish hamda ishsizlik darajasini pasaytirishga xizmat qilishi kutilmoqda.