Ispaniyada qora dumli baliqlarning odamlarni tishlashi holatlari tez-tez uchramoqda. Bundan oldin bu baliq odamlar uchun zararsiz hisoblangan.
Ammo so‘nggi yillarda ular odamlarga nisbatan tajovuzkorlikni ko‘rsata boshladilar. Mutaxassislarning fikricha, bu O‘rtayer dengizidagi suv haroratining oshishi bilan bog‘liq.
So‘nggi haftalarda Kataloniya, Kosta-Brava va Benidorm plyajlarida dam olayotgan 15 kishi uning hujumidan aziyat chekdi. Bu baliqning tishlashi odatda xavfli emas, lekin og‘riqli bo‘lishi mumkin. Tishlagandan keyin terida tish izlari va yaralar qoladi.