Испаниядаги фестивалда буқа томошабинларга ҳуқум қилди
Фестивалда буқалар кўчада эркин югуришга қўйиб юборилган.
Испаниянинг Arkos-de-la-Frontera шаҳрида ўтказилган анъанавий encierro фестивали чоғида 570 килограммлик буқа тўсиқни бузиб ўтиб, томошабинларга ҳужум қилди. Даилй Маил манбасига кўра, Инфинито номли буқа панжара яқинида турган болаларни ва катталарни шохлари ва туёқлари билан уриб, одамлар орасидан югуриб ўтган.
Ушбу фестиваль экстремал спорт ишқибозлари учун машҳур бўлиб, унда буқалар кўчаларда эркин югуришга қўйиб юборилади. Бироқ бу сафарги ҳолатда хавфсизлик чоралари етарли бўлмай, буқа тўғридан-тўғри томошабинлар томон отланди. Болалар, томошани яхшироқ кўриш учун ота-оналари томонидан панжара яқинига олиб чиқилган эди. Афсуски, айнан улар буқанинг илк зарбасига дуч келиб, энг оғир зарба олишган.
Дастлабки маълумотларга кўра, камида 20 киши буқа остида қолган, уч нафари эса шифохонага ётқизилган. Пушти қалпоқ кийган ҳаваскор матадор буқани чалғитиб, томошабинлардан узоқлаштиришга муваффақ бўлди ва ҳайвон кейинчалик қўрага қайтарилди.
