Istanbulda Tokatdan Tekirdag‘ga ketayotgan shaharlararo avtobus ishtirokida yo‘l-transport hodisasi yuz berdi.
Hodisa oqibatida uch kishi halok bo‘ldi. Kamida yigirma nafar yo‘lovchi turli darajada jarohat olgan.
Hokimiyat maʼlumotlariga ko‘ra, haydovchi avtobus boshqaruvini yo‘qotib qo‘ygan va natijada avtobus to‘siqqa borib urilgan. Jarohatlanganlar mahalliy shifoxonalarga yetkazilgan, voqea yuzasidan tergov boshlangan.