O‘zbekiston Milliy media birlashmasi tomonidan 17-20 avgust kunlari Toshkent viloyati Bo‘stonliq tumanida joylashgan Ugam oromgohida “Media camp 2023” loyihasi doirasida jurnalistlar uchun seminar-trening rejalashtirilgan.
Mazkur media oromgohda Birlashmaga aʼzo nodavlat teleradiokanallarning 100 dan ortiq ijodiy va texnik xodimlari Fransiya, Turkiyaning malakali jurnalistlari hamda Yunisef tashkilotining mutaxassislari bilan tajriba almashish imkoniyatiga ega bo‘ladilar.
Shuningdek, 4 kun davom etadigan media oromgohda yurtimizning tajribali va taniqli jurnalistlari ham ishtirok etishi va yosh jurnalistlarga kreativ, tezkor, xolis kontent tayyorlash bo‘yicha seminar-treninglar o‘tishi rejalashtirilgan.
Bundan tashqari, tadbirlar davomida jurnalistlarni musiqiy-ko‘ngilochar dasturlar, qiziqarli sport musobaqalari hamda sertifikat va esdalik sovg‘alar bilan taqdirlanadi.