"Manchester Yunayted" himoyachisi Rafayel Varan “Al-Ittihod”ning transfer maqsadiga aylandi. Bu haqda "Sports Zone" nashri xabar berdi.
Manbaning xabariga ko‘ra, Saudiya klubi vakillari allaqachon 30 yoshli fransiyalik futbolchi bilan bog‘lanishgan, u esa bu taklifni rad etgan va kamida bir mavsum Yevropada qolish istagini bildirgan.
Uning terma jamoadagi sobiq jamoadoshlari Karim Benzema va NGolo Kante futbolchini ko‘ndirishga harakat qilmoqda.
Eslatib o‘tamiz, Varan 2021 yilning iyulida “Real”dan "Manchester Yunayted"ga o‘tgan edi.