Макроннинг рафиқаси кинода суратга тушмоқда
У ўзининг севимли сериалида роль ижро қилмоқчи.
Франция президенти Эммануэл Макроннинг рафиқаси Netflix компанияси томонидан суратга олинаётган "Эмили Парижда" фильмида суратга тушади. Бу ҳақда маҳаллий нашрлар хабар бермоқда.
Қайд этилишича, 70 ёшли Брижит Макрон 2 апрель куни съёмка майдончасида бош роль ўйнайдиган актриса Лили Коллинз билан кўриниш берган. У "Эмили Парижда" сериалининг тўртинчи мавсумида роль ижро этиши айтилмоқда.
Эслатиб ўтамиз, фильмнинг учинчи мавсуми Netflix платформасида 2022 йил 21 декабрда чиқарилганди. Унинг тўртинчи мавсумини суратга олиш Франция пойтахтида ёз охири ёки кузнинг бошида бошланиши режалаштирилган эди, бироқ Америка Ёзувчилар уюшмаси аъзоларининг иш ташлаши туфайли камида икки ойга кечиктирилган.
