“Manchester Yunayted” yangi transferni eʼlon qildi

 

"Манчестер Юнайтед" "Лечче" ярим ҳимоячиси Патрик Доргу билан шартнома имзолади. Инсайдер Фабрицио Романонинг сўзларига кўра, итальян клуби “Манчестер Юнайтед”дан тушган дастлабки икки таклифни рад этган, бироқ учинчисини қабул қилган. Клублар 30 миллион евро + 5 миллион евро бонуслар бўйича келишиб олишди. "Манчестер Юнайтед" қанот ҳимоячиларини йўқотмоқда. Антони расман "Бетис"га ижара асосида ўтди. Маркус Решфорд ҳам жамоадан кетди. Бош мураббий Рубен Аморим у ҳақида қаттиқ гапирган. У энди фаолиятини “Астон Вилла”да давом эттиради. Алехандро Гарначонинг "Юнайтед"даги келажаги ҳам сўроқ остида. Аргентиналик футболчига "Наполи" ва "Челси" қизиқиш билдирмоқда Ҳар ҳолда, "Манчестер Юнайтед"да футболчилар сони камайиб бормоқда, шу боис клуб трансфер бозорига киришга мажбур бўлди.

 

Доргу қайси позицияда ўйнайди?

 

Доргу сўнгги учта ўйинни турли позицияларда бошлади - чап қанот, олдинрода ва ўнг қанотда. "Лечче"даги бир ярим йиллик фаолияти давомида даниялик футболчи учта мураббий қўл остида ҳаракат қилди. Роберто Даверса мураббийлигида футболчи чап қанот ҳимоячиси сифатида ўйнаган. Кейин Лука Готти уни тез-тез ярим ҳимоячи сифатида ўйнатди. Жорий мавсумда 12 турдан кейин жамоа хавфли зонада эди. Шу сабабли "Лечче" мураббийни алмаштирди. Доргунинг серқирралиги айнан янги мураббийнинг қўл остида яққол намоён бўлди. У деярли ҳар бир учрашувни янги позицияда бошлади. Бир йил олдин чап қанот ҳимоячиси Доргу ақл бовар қилмайдиган камбек қаҳрамонига айланди. "Фиорентина" 90-дақиқагача 2:1 ҳисобида ғалаба қозонаётган эди, ўшанда "Лечче" ҳисобни тенглаштирди. 90+2-дақиқада Доргу рақиб жарима майдончасида тўпни юқори бурчакка аъло даражада жойлаб қўйди.

 

Доргу "Манчестер Юнайтед"га қанчалик мос келади?

 

Бу "Юнайтед" учун энг асосий трансфер эмас. Бироқ, бу ўйинчи "Манчестер Юнайтед"нинг янги раҳбариятига жуда мос тушади, бу эса ёш футболчиларнинг ривожланишига ёрдам беради. Хабарларга кўра, Аморим Доргуга чап қанот ҳимоячиси сифатида қарайди. Даниялик футболчи аллақачон учта марказий ҳимоячидан иборат таркибда ўйнаш тажрибасига эга. Манчестер жамоасига ҳам айнан шу нарса керак. Доргу жисмонан кучли ва тўп билан яхши ҳаракат қилади. Даниялик футболчи "Лечче"нинг дриблинглар бўйича етакчи ўйинчиларидан бири ҳисобланади. Англияда уни аллақачон Букаё Сака билан солиштиришмоқда. Премьер-лига мухлислари кўплаб дриблингчиларни кўришган. Улардан бири Адама Траоре ҳисобланади. Доргу тўп узатишлари аниқ ва бу мавсумда "Лечче" сафида голли узатмалар бўйича учинчи ўринни эгаллаган.