Mars Global Surveyor tasvirlarida ko‘ringan kvadrat tuzilma qadimgi Mars sivilizatsiyasining mavjudligi haqidagi turli nazariyalarga sabab bo‘ldi. Baʼzilar bu shaklni tasvirlash artefakti, xususan, tasvirlarni birlashtirish jarayonidagi xatolik deb hisoblashadi. Boshqalar esa bu shaklni tasodifiy tabiiy xususiyat emas, balki bir paytlar Marsda yashagan rivojlangan jamiyatning qoldiqlari deb bilishadi. Ular tuzilmaning aniq, to‘g‘ri chiziqlari va mukammal burchaklarini qadimgi davrlarda Marsda yashagan aqlli mavjudotlar tomonidan rejalashtirilgan va qurilgan degan fikrni ilgari surishadi.
Ushbu nazariyani qo‘llab-quvvatlovchilar Marsdagi tuzilmani Yer yuzidagi Misr piramidalari va Peruʼdagi Nazka chiziqlari kabi mashhur arxeologik joylarga qiyoslashadi. Bu yer yuzidagi moʻjizalar ham aniq geometrik dizaynlarga ega bo‘lib, yillar davomida begona mavjudotlar bilan bog‘liq nazariyalarga sabab bo‘lgan. Ushbu nazariyalarga ko‘ra, Mars va Yer tuzilmalari o‘rtasidagi o‘xshashliklar umumiy tarix yoki hatto qadimgi davrlarda boshqa dunyo mavjudotlarining tashriflari bilan bog‘liq bo‘lishi mumkin.
Taʼkidlanishicha, kvadrat shaklidagi tuzilma tasvirlari va ularning talqinlari hali ham ilmiy hamjamiyatda muhokama qilinmoqda va aniq xulosalar chiqarish uchun qo‘shimcha tadqiqotlar talab etiladi.
Komila Odilova tayyorladi