Месси Париж эмас, Ибитсага йўл олди
«Барселона» собиқ ҳужумчиси Лионел Месси «Пари-Сен-Жермен» билан шартнома имзолаш учун Ибитса оролига етиб келди. Бу ҳақда LʼÉquipe` сайти хабар берди.
Лионел Месси Ибитса оролига самолётда келган. У бу ерда «ПСЖ» вакиллари билан учрашиб, шартномага имзо чекади. «ПСЖ» раҳбарияти Неймар билан ана шу ерда учрашиб, шартнома имзолаган эди.
Футболчининг душанба куни Парижга етиб келиши ҳақида хабар берилгани, «Стад де Пренс» стадиони олдида юзлаб мухлис ва ОАВ вакиллари уни кутиб олишга чиққанига қарамай Месси Суарес билан Барселонадаги уйида қолган эди.
Бундан аввал 34 ёшли ҳужумчининг «ПСЖ» билан 2023 йилга қадар шартнома имзолаши ва унга кўра Месси йиллик 50 миллион евро маош олиши ҳақида хабар берилганди.
Жамшид Амиров
