Misr Ukraina bilan 240 ming tonna bugʻdoy sotib olish boʻyicha shartnomalarni bekor qildi. Bu haqda “Reuters” axborot agentligi xabar berdi.
Xabarda aytilishicha, don yetkazib berish fevral va mart oylari uchun band qilingan, biroq ular Rossiyaning Ukrainaga keng koʻlamli bostirib kirishi tufayli joʻnatilmagan. Shartnomalarda fors-major holatlari koʻzda tutilmagan boʻlsa-da, davlat tovar yetkazib berishi kerak boʻlgan kompaniyalarni shartnoma majburiyatlaridan ozod qildi.
Eslatib oʻtamiz, 24-iyul kuni Rossiya tashqi ishlar vaziri Sergey Lavrov Misr poytaxti Qohiraga rasmiy tashrif bilan borgan
.
Rossiya matbuotining yozishicha, Lavrov Qohirada Misr rahbari bilan uchrashgan, u Putinning shaxsiy xabarini yetkazgan.