Мустақил Ўзбекистон тарихида илк бор 400 дан ортиқ маҳкум афв этилди
Бу бўйича Президент ҳужжатни имзолади.
Ўзбекистон Конституцияси қабул қилинганининг 30 йиллиги муносабати билан 400 дан ортиқ маҳкум афв этилди. Бу ҳақда Президент матбуот котиби Шерзод Асадовга таяниб, “Daryo” нашри ёзмоқда.
Қайд этилишича, Шавкат Мирзиёев афв тўғрисидаги ҳужжатни Ўзбекистон Конституцияси қабул қилинганининг 30 йиллиги муносабати билан имзолаган. Унга кўра, Мустақил Ўзбекистон тарихида илк бор тузалиш йўлига қайтган 400 дан ортиқ маҳкум афв этилмоқда.
7-декабр куни президент халққа анъанавий байрам табриги билан мурожаат қилади. Президент матбуот котибининг қўшимча қилишича, президент яқин вақт ичида Ўзбекистон парламенти ва халқига Мурожаатнома йўллайди.
Мазкур Мурожаатномадан мамлакат ижтимоий-иқтисодий ривожланишининг келгуси йил учун устувор йўналишлари ҳамда бир қатор муҳим ислоҳотлар ташаббуслари ўрин олган.
