Davlat xavfsizlik xizmati Chegara qo‘shinlari, DXX Namangan viloyati boshqarmasi hamda viloyat IIB xodimlari o‘tkazgan tezkor tadbir natijasida Kosonsoy tumanida qo‘shni Qirg‘iziston Respublikasidan noqonuniy ravishda olib kirilgan yirik miqdordagi oltinlarning savdosiga barham berildi. bu haqada DXX Zamon.uzga xabar berdi.
Tergovga qadar tekshiruvda aniqlanishicha, 1996-yilda tug‘ilgan Kosonsoy tumanida yashovchi shaxs, 1988-yilda tug‘ilgan tog‘asining topshirig‘i bilan davlat chegarasini noqonuniy kesib o‘tib, Qirg‘izistondan O‘zbekistonga taxminan 1,1 milliard so‘mlik, umumiy og‘irligi 1 kilogramm 168 gramm bo‘lgan oltin quymalarini yashirincha olib kirgan.
Tezkor tadbir davomida mazkur shaxslar qimmatbaho metallarni boshqa qarindoshga yetkazib berayotgan vaqtida jinoyat ustida qo‘lga olindi.
Holat yuzasidan shaxslarga nisbatan O‘zbekiston Respublikasi Jinoyat kodeksining 182-moddasi 2-qismi “a”, “b” bandlari va 223-moddasi 2-qismi “b” bandi bilan jinoiy ish qo‘zg‘atildi, hozirda tergov harakatlari olib borilmoqda.