Ўзбекистон аёллар терма жамоаси Жанубий Кореяга йирик ҳисобда мағлуб бўлди
Жаҳон чемпионати йўлланмаси навбатдаги ўйинда ҳал бўлади.
Футбол бўйича Ўзбекистон аёллар миллий терма жамоаси Австралияда ўтаётган Осиё кубоги чоракфинал босқичи доирасида Жанубий Корея аёллар миллий терма жамоаси билан куч синашди ва якунда кореяликларга йирик, 6:0 ҳисобида имкониятни бой берди.
Шу тариқа, терма жамоамиз Жаҳон чемпионатига тўғридан-тўғри йўлланма олиш имконини бой берди. Энди жамоа ўтиш ўйинлари орқали мундиал чиптасини қўлга киритишга уриниб кўради.
Маълумот ўрнида, Осиё кубогида яримфиналга йўл олган 4 жамоа тўғридан-тўғри, яна 2 жамоа эса саралаш ўйинлари орқали мундиалга йўл олади.
Аёллар ўртасида Осиё кубоги. Чоракфинал
Жанубий Корея — Ўзбекистон 6:0
Голлар: Хва-Йеон 9, Йо Жин 21, Со-Йеон 57, Со-Йун 72, Йу-Йонг 86, Сел-Ги 90+3
