Nokia ишқибози Гиннеснинг рекордлар китобига кирди
У мазкур бренднинг барча моделларини йиғган.
Испаниялик Ванс Палау Фернандес Nokia моделлари коллекциясини тўплаб, Гиннеснинг рекордлар китобига кирди.
У 3615 та модель билан энг катта мобил телефонлар коллекциясини тўплаган. Эркак гаджетларини Барселонадаги квартирасида сақлайди.
Эркак 2008 йилда Нокиа коллекциясини йиғишни бошлаган ва 10 йилдан сўнг у ушбу маркадаги 700 та телефонга эга бўлган. Фернандес уни бошқа брендларнинг гаджетлари ва Nokia ҳеч қачон сотувга чиқармаган қурилмалар прототиплари билан тўлдирган.
Эслатиб ўтамиз, аввалги рекорд 2023 йилда руминиялик Андрей Билби Аргентис томонидан ўрнатилганди. У ўз коллекциясида 3456 та телефонни йиғган.
