Qozog‘iston DXR va LXR mustaqilligini tan olmaydi. Bu haqda Qosim-Jo‘mart To‘qayev ma’lum qildi.
To‘qayev bu xaqida Sankt-Peterburgda bo‘lib o‘tayotgan xalqaro iqtisodiy forumda gapirgan.
"Umuman olganda, xalqlarning o‘z taqdirini o‘zi hal qilishi huquqi to‘liq amalga oshirilganda, hozirgidek 193 davlat emas, 500 yoki 600 davlat paydo bo‘lgan bo‘lardi. Albatta, bu beqarorlikka sabab bo‘ladi. Shuning uchun biz Tayvan, Kosovo, Janubiy Osetiya yoki Abxaziya mustaqilligini tan olmaymiz. Katta ehtimol bilan bu tamoyil Donesk va Luganskka nisbatan xam qo‘llaniladi", — degan u.
Avvalroq O‘zbekiston ham DXR va LXR mustaqilligini tan olmasligini ma’lum qilgandi.