Amerika kino sanoati tufayli dunyo miqyosida shuhrat qozongan Gollivud yulduzlari o'z ajdodlarini hurmat qilishadi va bir vaqtlar bobolari muhojir bo'lganligini unutmaydilar. Stallonening buvisi, Barbra Streisandning bobosi, Xelen Mirrenning otasi, ularning barchasi Rossiya imperiyasida tug'ilib o'sgan.
Silvester Stallone
Silvestr Stallonening onasining buvisi Roza Lamlek Odessalik bo'lgan. Mashhur amerikalik aktyor ajdodlari badavlat odamlar bo'lib, shaharning eng nufuzli magistral yo'llaridan biri bo'lgan Staroportofrankovskaya ko'chasida yashagan. 1884-yilda Roza Charlz Labofishga turmushga chiqadi va 2 o'g'illi bo’ladi. 1888-yilda butun oila AQShga ko'chib o'tadi.
Xelen Mirren
Xelen Mirrenning, asl ismi Elena Lidiya Mironova. Bo'lajak yulduz London filarmoniya orkestri skripkachisi Vasiliy Mironovning qizi edi. Otasi 2 yoshida Smolensk viloyatining Kuryanovo qishlog'idan Buyuk Britaniyaga ko'chib keladi. Mirrenning bobosi, polkovnik Pyotr Mironov shoh armiyasida xizmat qilgan va rus-yapon urushida qatnashgan. Keyinchalik u Rossiya imperiyasining Londondagi harbiy vakolatxonasida diplomat bo'ladi va 1917-yilgi inqilobni qabul qilmasdan Angliyada qoladi. Xelenning otasi 1950-yillarda ism-familiyasini Inglizcha Basil Mirrenga o'zgartiradi. Shu tariqa uning qizi Elena Mironova Xelen Mirrenga aylanadi. Aktrisa Rossiyada bir necha bor bo'lgan, otasining qishlog'iga tashrif buyurgan va xatto rus qarindoshlarini topishga muvaffaq bo'lgan.
Jeyk Gyllenhaal
Gyllenhaalning bobosi (onasi tomonidan) Rossiya armiyasida xizmat qilmaslik uchun AQShga ko'chib kelgan. U Nyu-Yorkning quyi Sharqiy tomoniga ko'chib keladi va u yerda tikuvchilik qiladi.
Barbra Streisand
Barbaraning otasining bobosi Isaak Streisand 1898-yilda, atigi 17 yoshida AQShga ko'chib o'tgan. U Ternopol viloyatidagi Buchach shahridan (hozirgi Ukraina hududi) ko'chib ketgan.
Maykl Duglas
Mayklning otasi, Gollivudning afsonaviy "oltin davri" yulduzi Kirk Duglas 1916-yilda Nyu-Yorkning Amsterdam shahrida tug'ilgan. 6 yil oldin, uning ota-onasi Mogilev yaqinidagi Chausa shahridan Shtatlarga ko'chib ketishgan.
Natali Portman
Natalining otasining bobosi va buvisi Edelshteynlar XX asr boshida AQShga o'sha paytda Rossiya imperiyasi tarkibiga kirgan Polsha Qirolligidan kelishgan. Portmanning onasi tomondan bobosi va buvisi esa Chishinovdan edi.
Devid Duxovniy
Devidning otasi tomondan bobosi Moishe 1916-yilda AQShga ko'chib kelgan. U Rossiya imperiyasining Kiyev viloyatidagi Berdichev shahridan edi. Devidning buvisi esa Polsha Qirolligidan ko'chib ketgan.
Liza Kudrou
Lizaning otasining buvisi Gertruda Farberman Minsk viloyatining Vilay tumanidagi Ilya qishlog'ida (hozirgi Belarus hududi) o'sgan. U 1921-yilda AQShga ko'chib o'tadi va u yerda tez orada Mogilevdan Shtatlarga ko'chib kelgan Devid Kudrouga (Lizaning bobosi) uylanadi.
Shon Penn
1914-yilda uning bobosi Moris Daniil Penn (haqiqiy familiyasi Melenkov) va uning buvisi Yelizaveta Melenkova o'sha paytda Rossiya imperiyasi tarkibiga kirgan Litvadan AQShga ko'chib kelishgan.
Skarlett Yoxansson
Skarlettning onasining buvisi Doroti Chodosh bo’lgan. U Nyu-Yorkda tug’ilib o'sgan. Doroti tug'ilishidan oldinroq uning otasi Izador Chodosh va onasi Xana Vaynshteyn Minskdan (o'sha paytda Rossiya imperiyasidagi shahar) AQShga ko'chib ketishgan.
Ventuort Miller
Ventuortning onasining buvisi ismi Florens Bushnevich bo’lgan. U AQShga Polshadan (o'shanda Rossiya imperiyasi tarkibiga kirgan) kelgan.
Piter Falk
Piter Maykl Falk Nyu-Yorkda tug'ilgan. U Maykl Piter Falk va Madelin Falkning o'g'li bo’lgan. Piterning bobosi va buvisi 1890-yillarning boshlarida Rossiya imperiyasidan AQShga ko'chib kelishgan.