Avvalroq, Xitoyning Fransiyadagi elchisi Lu Shay 23 aprel kuni bo‘lib o‘tgan telemuloqot chog‘ida “postsovet davlatlarining suverenitetini “kuchli huquqiy asosga ega emas” deb aytgandi.
Tashqi ishlar vazirligining 3 kunlik sukutidan so‘ng ushbu gaplarga Oliy Majlis deputati munosabat bildirdi.
«O‘zbekiston mustaqilligi daxlsizdir. Postsovet hududidagi mamlakatlarning mustaqilligi borasidagi har qanday shubhalar va ziddiyatli fikrlarning O‘zbekistonga hech qanday aloqasi yo‘q», — deya o‘z sahifasida yozdi “Yuksalish” umummilliy harakati raisi, Oliy Majlis deputati Bobur Bekmurodov.
Maʼlumot o‘rnida: Xitoy tashqi ishlar vazirligi elchisining so‘zlaridan so‘ng: «Xitoy barcha mamlakatlarning suvereniteti, mustaqilligi va hududiy yaxlitligini hurmat qiladi hamda Birlashgan Millatlar Tashkiloti nizomining maqsad va tamoyillarini qo‘llab-quvvatlaydi», deya bayonot bilan chiqqandi.