BMT Bosh Assambleyasi doirasida O‘zbekiston Respublikasi Prezidenti Shavkat Mirziyoyev Albaniya Respublikasi Prezidenti Bayram Bega y bilan uchrashuv o‘tkazdi.
Muloqotda siyosiy-diplomatik, savdo-iqtisodiy va madaniy-gumanitar sohalarda o‘zaro manfaatli hamkorlikni rivojlantirish masalalari ko‘rib chiqildi.
Tomonlar ikki tomonlama munosabatlarni sifat jihatidan yangi bosqichga olib chiqishga qaratilgan sa’y-harakatlarni kuchaytirish zarurligini ta’kidladilar. Bu borada siyosiy muloqot va iqtisodiy hamkorlikning yangi mexanizmlarini joriy etish muhimligi qayd etildi.
Savdo va investitsiya sohalaridagi salohiyatni ro‘yobga chiqarish, qishloq xo‘jaligi, oziq-ovqat sanoati, transport va boshqa ustuvor yo‘nalishlarda qo‘shma loyihalarni amalga oshirish masalalariga alohida e’tibor qaratildi.
Shuningdek, uchrashuvda mintaqaviy va xalqaro kun tartibidagi dolzarb masalalar yuzasidan fikr almashildi.