2023-yilning olti oyi davomida O‘zbekistonga rossiyalik sayyohlar soni o‘tgan yilning shu davriga nisbatan 1,9 baravarga oshib, 345 ming kishini tashkil etdi, deyiladi respublika statistika agentligi saytida.
Agentlik ma’lumotlariga ko‘ra, yanvar-iyun oylarida O‘zbekistonga kelgan xorijlik sayyohlar soni 1,7 baravarga oshgan. Rossiyadan kelganlar soni 345 ming kishini tashkil qiladi. O‘tgan yili bu ko‘rsatgich 185,6 ming edi. O‘sish dinamikasi 2022-yilning bahoridan boshlab kuzatilmoqda.
Shu bilan birga, rossiyalik sayyohlar O‘zbekistonga tashrif buyurish bo‘yicha to‘rtinchi o‘rinni egallab turibdi – dastlabki uch qatorni Qozog‘iston, Tojikiston va Qirg‘iziston egallagan.